Samaín

Samaín, palabra gaélica, non significa máis que fin do verán, principio do inverno. Na antiga cultura céltica o tempo de Samaín, especialmente a noite do 31 de outubro ao 1 e novembro, era o período máis importante do ano. Eran datas claves para se reunir nos camposantos, comer o ritual e comunal porco de samaín e concelebrar as farradas festeiras dos guerreiros. Era a noite máis perigosa do ano: as portas do outromundo abríanse nesas horas e as ánimas eran quen de vir visitar este mundo e aos seus moradores: tantas veces para render contas inacabadas.

Para afastar dos seus castros as perigosas ánimas defuntas e errantes adoitaban poñer no alto das muradas, ou encastradas nas paredes, as caveiras iluminadas dos inimigos mortos en campaña. De aquí, dos ritos e crenzas célticas ao redor da caveira, vén a tradición europea de facer caliveras na cortiza dos melóns, ou cabazos, ou calabazotes. Tradición que, grazas ás investigacións do profesor galego Lopez Loureiro, sabemos que se estende por toda a antiga xeografía céltica europea e concretamente para o caso de España, por todas as zonas con presencia do elemento céltico ben documentado. En Galiza atopámola en toda a súa xeografía, non faltando esta tradición en ningunha das súas bisbarras e aportando un folclore similar aínda que dándolles nomes diferentes: calacús polas Rías Baixas, caveiras de melón en Cedeira, calabazotes en Ortigueira, colondros en Ourense...etc.

SAMAÍN 2012

Preparación da cabaza

Elaboración:

Para empezar ábrese a cabaza , débese cortar pensando que logo será a tapa da cabeza , así que co coitelo de serra facemos un círculo na parte superior . Retiramos a polpa.

A continuación, debe ser cortada  cun coitelo de serra formando un círculo na parte superior.

Eliminamos a polpa e as sementes e facemos un pequeno furado para expulsar o fume das velas.

Despois de probar nun folio, facemos o debuxo na cabaza cun marcador.

Eliminamos os residuos cun pano, poñemos unha candea dentro da cabaza e gozar da Noite feliz de Todos os Santos. 

PARA OS MÁIS PEQUENOS DA CASA

Como se talla unha cabaza

Escolle a túa cabaza . O tamaño

non importa pero procura que estea

máís verde que madura. Durará

máis tempo.

Coa axuda dun familiar maior

corta a parte superior da cabaza e

gárdaa.

Servirache de tapa

Colle unha culler e baleira o interior

da cabaza . Límpaa moi ben

para que quede só a tona dura do

exterior.

Talla unha cara que produza moito

medo. Cun coitelo ide tallando

os ollos, o nariz e a boca.

Colocade agora unha candea

no interior e... a meter medo

á veciña!

Conto: A muller do pasillo.

-A MULLER DO PASILLO-

Unha noite de Samaín, por facer algo de medo, xogamos a Ouixa, feito do que sempre me arrepentirei. A noite era fría, no ambiente notábase un aroma extraño, non sei definilo con palabras; uns amigos e máis eu buscabamos unha vella ouixa que a miña familia sempre a tiña gardada... Era da miña bisavoa, que morrera cando aínda eu  non nacera, e sempre quixera coñecela. Os meus amigos só o  facían por diversión, eu por un fin, xa que quería falar coa miña bisavoa.

A sesión comezou, os meus amigos bromeaban, eu estaba moi seria, pero eles non o notaron, ata que caeu un raio que iluminou a habitación escura, seguido dun lóstrego, que estremeceu ata o último dos meus óso. Asustados polo raio, meus amigos, quedaron calados, coma min, concentrándose, de súpeto o punteiro da Ouija comezou a moverse. Preguntamos quen era, pero non respondeu.

O punteiro movíase sen cesar dun lado para outro, sen formar palabras. Ao final parou,e lentamente, formulou as seguintes palabras: <<estou indo a por vós>>.

Era unha muller que estaba no pasillo e berraba para entrar na miña habitación. O peche estaba botado, non podía entrar, pero parecía que ía tirar a porta.

A muller cada vez máis desesperada gritaba o meu nome. Eu tiven o impulso de abrir a porta, pero contívenme, eses gritos eran desesperados. Entón, deime conta: era a miña bisavoa! Presentíao, aínda non podía explicar como o sabía.

Lanceime a abrir a porta, quería vela, tiña que vela, pero os meus amigos agarráronme. Os gritos cesaron, unha das miñas amigas, tivo un ataque de nervios. Achegámonos a consolala, pero unha voz grave e forte saíu dela dicindo que non nos achegaramos. Quedámonos de pedra. A muller do pasilllo comezou a gritar de novo:

<<¡ Aviseivos, non me fixéstes caso, agora morreredes!>>. A miña amiga comezou a moverse dun lado a outro, dicindo que nos mataría. Intentamos abrir a porta, pero non puidemos.

Os gritos cesaron, conseguimos abrir a porta, eu saín primeiro, pero pechouse detrás de mín. Oín os gritos aterrorizados dos meus amigos, histéricos pedindo socorro, dándolle patadas á porta para abrila.

Escribo a miña historia, corenta e cinco anos despois de que ocorrera, pois acabo de saír do cárcere culpado polo asasinato dos meus amigos, ós que encontrei mortos cando conseguín abrir a porta da miña habitación.

Receitas de Samaín.

Magdalenas de Cabaza

Ingredientes:

• 

  200 gramos de cabaza torada                

• 200 gramos de azucre
• 100 gramos de fariña
• 100 gramos de Maizena
• 2 ovos grandes
• 75 ml de aceite de xirasol
• 75 ml de leite
• 1 sobre de levadura química
• Azucre e canela para espolvorear
  

Elaboración:

Mentres prequentamos o forno a 18º, poñemos a cabaza torada nun recipiente apto para microondas e o cocemos 6 minutos a temperatura máxima para que abrande.

Trituramos a cabaza xunto cos ovos, o azucre, o leite e o aceite. Cando teñamos formada a pasta engadimos a fariña e a  levadura e homoxeneizamos a mestura.

Vertemos a masa en moldes de magdalena xa sexan de silicona ou de papel, e espolvoreamos co azucre e canela.  Forneamos durante 30 minutos e  deixámolas  enfriar.

Irene Rguez.

TARTA DE CABAZA

Ingredientes:

• 25O gr de azucre
• 1 bote de leite condensada
• 1 cullerada de canela
• 1 limón
• 2 ovos
• galletas machacadas
• manteiga

ELABORACION: FERVEMOS A CABAZA E BATÉMOLA. ENGADIMOS TODO O DEMAIS E PASÁMOLA POLA BATEDORA.FORRAMOS A BASE CON GALLETAS MACHUCADAS E MESTURAMOS CON MANTEIGA,SOBRE ESTA,COLOCAMOS A MASA E METEMOS NO FORNO XA QUENTE A 18OºC ATA  QUE CALLE (COAGULE)

Iván Davila.

Chulas de cabaza 

Ingredientes : [4 persoas ].

• Cabaza, 1 kilogramo de polpa.
• 2oo gramos de fariña.
• 2oo gramos de azucre.
• 6 ovos.
• Canela.
• Azucre”glas”.
• Auga.
• Sal.
• Aceite de oliva para fritir.

Preparación :

Pélase a cabaza, córtase en anacos e cócese con auga e sal. Unha vez cocida, pásase a un escorredor e déixase secar moi ben. Nun recipiente fondo bátense os ovos co azucre e a fariña e engádese a cabaza ben escorrida.

Ponse na tixola ó lume cun pouco aceite e, cando estea quente, vamos botando, cunha culler, a cabaza, de tal xeito que quede coma unha chula. Dáselle a volta e facemos a mesma operación coas chulas que se vaian preparar.

Cando estean douradas as chulas, deixámolas escorrer ben e pasámolas a unha fonte con canela e azucre”glas”.

Sara  Cabaleiro.

Biscoito de cabaza

Ingredientes:

• Dous centos cincuenta gramos  de cabaza (crúa e limpa)
• Douscentos gramos  de azucre
• Tres ovos
• Setenta gramos  de aceite
• Douscentos cincuenta gramos de fariña
• Un sobre de levadura

Elaboración 

Mesturar todos o ingredientes nun bol, quedará unha masa bastante pastosa.  Introdúcese a masa nunha manga pasteleira sen a boquilla ou nunha bolsa de plástico á que lle cortamos un extremo. Dispoñer a masa, formando os biscoitos, na bandexa do forno cuberta con papel de fornear, débese deixar separación entre eles porque medran.  Pintar con ovo e espolvorear de azucre.  

Juan Enrique Gil. 

 Galletas de cabaza

• Ingredientes:
  
  • 10 gr. de puré de cabaza
  • 10 gr. de fariña simple
  • 75 gr. de azucre
  • 1 ovo
  • 1 cullerada de levadura
  • 50 gr. de peébidas de chocolate amargo
  • 1 chisco de canela
  
  Preparación:
  Primeiro facemos o puré de cabaza. Despois cortamos a cabaza en anacos e introducimos auga nunha pota a lume medio. Deixar cociñar durante 20 minutos. Pasado o tempo retiramos do lume, a escurrimos ben na auga e triturámola na batidora.
  
  
  Quentamos o forno a 180º. Mesturamos o puré coa fariña, e o azucre e o ovo lixeramente batido. Engadimos a levadura, a canela e as pébidas de chocolate. Removemos ben hasta obter una masa homoxénea.
  
  
  Unha vez temos a masa preparada vamos formamos pequenos montonciños, para iso collemos unha cullerada grande de masa e derramamola sobre unha bandexa de forno que previamente forramos con papel vexetal. Non poñer moi xuntos os montonciños, porque a masa tende a expandirse un pouco.
  
  
  Forneamos durante 10 minutos o ata que as galletas adquiran un tono dourado. Deixamos enfriar un pouco sobre una reixa. Una vez preparadas podémolas consumir temperadas o frías. De calquera xeito está moi boas.
  
  
  
  
   Aroa Coello.

Thriller

Escoitade esta terrorífica canción de Mickel Jackson.    Morreredes de risa

Samain canción 2

Canción de Samaín

Achégase a noite dos espíritos...

... e no noso colexio estámonos preparando para recibilos como se merecen.

Natureza

Esta xornada con Marcelo foi moi instrutiva e interesante. Contounos como se planta un carballo, como coidalo, como é a fauna e a flora nas carballeiras, como se mide a idade dunha árbore ...... e infinidade de cousas máis.

Converteu por uns intres a nosa clase de Infantil nunha inmensa carballeira.

Semana das Letras no Bouza Brey

No noso colexio imos celebrar a Semana das Letras Galegas coa visita dun Mago moi especial, cunha charla co escritor e cunha exposición sobre o noso autor homenaxeado VALENTÍN PAZ ANDRADE.
Os alumnos de 4º da eso fixeron uns paneis informativas e outros interactivos onde puidemos aplicar os nosos coñecementos e xogar coas verbas. Os alumnos de 4º da ESO fixeron uns paneis interactivos cos que xogaron todos os rapaces do cole e unha exposición sobre mulleres importantes da historia de Galicia, como María Pita, María Soliña, etc. Mirade o ben que o pasaron.