Día de Rosalía

Hoxe, 24 de febreiro, celebramos o día de Rosalía. As nenas e nenos do colexio prepararon un recital para conmemorar este día.

Podes ver todos os vídeos no enlace que vos deixamos a continuación. 

RECITAL

Esperamos que vos guste o resultado tanto coma a nós.

Día de Rosalía de Castro 2019

O vindeiro 24 de febreiro celebramos no colexio todos xuntos o día de Rosalía de Castro con este vídeo.

ADIÓS RÍOS, ADIÓS FONTES
ADIÓS REGATOS PEQUENOS
ADIÓS VISTA DOS MEUS OLLOS
NON SEI CANDO NOS VEREMOS

Co recital poético deste poema tan popular e coñecido de Rosalía de Castro quixemos homenaxear á nosa escritora máis emblemática no seu día.

Ademais podedes escoitar a versión clásica de Amancio Prada no seguinte enlace https://www.youtube.com/watch?v=tdFHyOL4VJo

E outra versión máis moderna de Lucía Pérez https://www.youtube.com/watch?v=hVegN3hhRsg

O Samaín no Bouza Brey para os máis pequenos

Dende o equipo de Dinamización do colexio queremos impulsar a tradición da festividade do Samaín. Por ese motivo, todos os anos traballamos arreo para que as nosas tradicións continúen nas nosas vidas e os nosos alumnos coñezan e participen nesta tradición popular da nosa cultura. 

                
  Ambientamos o colexio, lemos contos de medo, vivimos as historias cos nosos contacontos particulares e elaboramos o noso certame de cabazas na que todos participades entusiasmados.

Os máis pequenos tamén contribuíron ao festexo e elaboraron as súas propias cabazas. Iago, o contacontos tróuxonos a historia do "aprendiz do home do saco".

.

O BARDO ABELARDO VISITA INFANTIL

A clase de 3 anos tivo a visita do Bardo Abelardo que, co seu acordeón, animou o conto de "O rato e o gato", mentres os nenos acompañaban o ritmo coas súas palmadas  http://www.youtube.com/watch?v=PuresMhAshg&feature=youtu.be

Achégase a noite dos espíritos...

... e no noso colexio estámonos preparando para recibilos como se merecen.

Natureza

Esta xornada con Marcelo foi moi instrutiva e interesante. Contounos como se planta un carballo, como coidalo, como é a fauna e a flora nas carballeiras, como se mide a idade dunha árbore ...... e infinidade de cousas máis.

Converteu por uns intres a nosa clase de Infantil nunha inmensa carballeira.

Semana das Letras no Bouza Brey

No noso colexio imos celebrar a Semana das Letras Galegas coa visita dun Mago moi especial, cunha charla co escritor e cunha exposición sobre o noso autor homenaxeado VALENTÍN PAZ ANDRADE.
Os alumnos de 4º da eso fixeron uns paneis informativas e outros interactivos onde puidemos aplicar os nosos coñecementos e xogar coas verbas. Os alumnos de 4º da ESO fixeron uns paneis interactivos cos que xogaron todos os rapaces do cole e unha exposición sobre mulleres importantes da historia de Galicia, como María Pita, María Soliña, etc. Mirade o ben que o pasaron.

Contacontos

Os nenos e nenas de Educación Infantil tiveron unha xornada moi animada durante a Semana das Letras  pola chegada dun contacontos á escola. Xuntámonos os tres cursos na aula de audiovisuais e alí disfrutamos e rimos a cachón cos seus contos e historias. Vede o ben que o pasamos.