O Apalpador chegou ao Bouza Brey
![](https://blogger.googleusercontent.com/img/b/R29vZ2xl/AVvXsEgVotka0hT65uZv30-153tfc1PC81DxyL4I0eYSGQQuQDWIxT5OgzwWHSVr-timPWDpXo7-cJU6dI7_NJ9OfR9uun-xxiVuKnYTEgtGbVuikjcdI4cUMAWBcSR-4mw_4KXtADKsDt-rDnCr/s400/apalpador.jpg)
O VALE POR UN BICO E UNHA APERTA FOI UN ÉXITO
Dende os nenos máis pequenos ata os maiores, todos eles foron agasallados cun vale- regalo dun bico e unha aperta.
O equipo de dinamización do colexio preparou unha actividade relacionada co Apalpador que pretendía ilusionar aos nenos e facerlles tomar conciencia da importancia dos agasallos feitos co corazón. Dende o Colexio quixemos fomentar o espírito do Nadal dende unha perspectiva non consumista tan patente na sociedade actual.
O vello Apalpador é unha lenda tradicional galega protagonizada por un vello carboeiro da zona do Courel que apañaba castañas e pasaba o inverno tallando en madeira diversas figuras relacionadas coa fauna de Galicia. Coa chegada do Nadal baixaba aos pobos pola noite e deixaba agasallos agochados nas casas, apalpaba as barrigas dos máis cativos e deixáballes unha presa de castañas.
![O libro elixido foi O Apalpador e a castaña máxica](https://blogger.googleusercontent.com/img/b/R29vZ2xl/AVvXsEgPctb-ouec-zDvhb6gq8LdBrBCALzoDFI4yn5srvnYR5dI9nvFFkXsQGNdVfGZ8o09QhtHj_zexpTfrCr8yx4_DdMth7KJkxN-JGBFhBkEUrFT5pqqIBxZ3JhoZNigtMJsN6uxufyfK7f7/s320/IMG_20151218_113007.jpg)
O vello Apalpador chegou ao noso colexio e regalou castañas a todos os nenos e nenas, pediulles que fosen bos e contoulles que o mellor agasallo nestas datas era dar bicos e apertas aos seres queridos.
Eles prometeron facerlle caso e que encherían aos seus pais e nais de bicos e apertas
A historia do Apalpador deixou abraiados aos nenos de infantil |
Relacionado con esta historia os nenos prepararon o AMIGO INVISIBLE cos seus compañeiros de clase e todos eles foron agasallados cun regalo sorpresa.
Os alumnos de primeiro da ESO cos agasallos do Amigo Invisible