O Apalpador

O Apalpador chegou ao Bouza Brey

Un ano máis o Apalpador veu visitarnos ao Colexio Bouza Brey. Este ano veu acompañado duns axudantes que contaron unha historia moi sorprendente da castaña máxica e agasalláronnos cun vale.


O VALE POR UN BICO E UNHA APERTA FOI UN ÉXITO

Dende os nenos máis pequenos ata os maiores, todos eles foron agasallados cun vale- regalo dun bico e unha aperta. 

O equipo de dinamización do colexio preparou unha actividade relacionada co Apalpador que pretendía ilusionar aos nenos e facerlles tomar conciencia da importancia dos agasallos feitos co corazón. Dende o Colexio quixemos fomentar o espírito do Nadal dende unha perspectiva non consumista tan patente na sociedade actual.

O vello Apalpador é unha lenda tradicional galega protagonizada por un vello carboeiro da zona do Courel que apañaba castañas e pasaba o inverno tallando en madeira diversas figuras relacionadas coa fauna de Galicia. Coa chegada do Nadal baixaba aos pobos pola noite e deixaba agasallos agochados nas casas, apalpaba as barrigas dos máis cativos e deixáballes unha presa de castañas.

 O vello Apalpador chegou ao noso colexio e regalou castañas a todos os nenos e nenas, pediulles que fosen bos e contoulles que o mellor agasallo nestas datas era dar bicos e apertas aos seres queridos.

Eles prometeron facerlle caso e que encherían aos seus pais e nais de bicos e apertas

A historia do Apalpador deixou abraiados aos nenos de infantil

Relacionado con esta historia os nenos prepararon o AMIGO INVISIBLE cos seus compañeiros de clase e todos eles foron agasallados cun regalo sorpresa.

 Os alumnos de primeiro da ESO cos agasallos do Amigo Invisible

O Apalpador no Bouza Brey

Un ano máis o Apalpador chegou ao noso colexio con agasallos para todos grazas ao amigo invisible no que colaborou todo o alumnado. Dende o equipo de dinamización traballamos esta figura mítica do nadal galego para facerlles entender aos nenos que estas festas son algo máis que agasallos caros e consumismo. Con moi pouco, podemos facer felices aos que máis queremos...

 

Os premiados

Esta é unha escolma dalgúns do adornos premiados. O certame tivo moita participación, e a calidade e laboriosidade da maioría dos adornos foi comentada entre o profesorado. Queremos valorar o esforzo e a disposición das nais e pais dos alumnos pola axuda prestada aos seus fillos,   Sen vós, isto, non sería posible...  

Algúns dos adornos de Nadal premiados

Entrada Sorpresa

O apalpador chegou ben cedo para entregarlles aos galardonados o seu diploma. Foi moi divertido.

O noso apalpador entrando no colexio e agasallando a algúns dos alumnos vencedores do certame de adornos de nadal