7 dic 2014

O Samaín no Bouza Brey para os máis pequenos



Dende o equipo de Dinamización do colexio queremos impulsar a tradición da festividade do Samaín. Por ese motivo, todos os anos traballamos arreo para que as nosas tradicións continúen nas nosas vidas e os nosos alumnos coñezan e participen nesta tradición popular da nosa cultura. 
                
  Ambientamos o colexio, lemos contos de medo, vivimos as historias cos nosos contacontos particulares e elaboramos o noso certame de cabazas na que todos participades entusiasmados.


Os máis pequenos tamén contribuíron ao festexo e elaboraron as súas propias cabazas. Iago, o contacontos tróuxonos a historia do "aprendiz do home do saco".













.





Os alumnos da ESO tamén celebran o Samaín


Cine de medo polo Samaín

                                            "Romasanta, a caza da besta"                                                                                                                                  


cartel da longametraxe subtitulada
ao galego

O 29 de outubro celebramos no noso Colexio o Samaín. Este ano a temática elixida foi a lenda do Lobishome.
Os alumnos de secundaria traballaron a lenda do Lobishome de Allariz e miraron a película  coa doblaxe en galego.  

momento da transformación
.
Foi unha película moi interesante pero ao mesmo produciulles un enorme terror ao observar a transformación cinematográfica do lobishome.





Creación Literaria

"o lobisome"

Tamén leron distintas historia elaboradas por eles mesmos e recopiladas nun libro que tiñan como temática xeral a lenda do home lobo.
Concedéronse un primeiro e segundo premio por curso a aqueles textos con máis calidade narrativa e logo poideron contalas diante dos seus compañeiros na sala de audiovisuais onde se creou a atmósfera propicia para que os alumnos disfrutasen das historias.

Así estaba ambientada a nosa sala de audiovisuais que se converteu por un día na cova do home do saco ou do lobishome.

cartel da entrada da sala.
o home do saco en primeiro plano
vixiando as andainas dos alumnos


A verdade e que este ano os alumnos fixeron un gran traballo e poidemos ler historias cheas de intriga, medo ou misterio moi ben elaboradas.
Nunha próxima entrada do blogue, seguramente publicaremos algunhas das historias galardonadas para que poidades disfrutalas coma nós.

9 jun 2014

ALLARIZ : UN LUGAR MARABILLOSO QUE LEVAREMOS SEMPRE CON NÓS


O ano pasado os alumnos de 2º, 3º e 4º de Secundaria fixemos unha visita a Allariz. Estivemos dous días marabillosos en contacto coa natureza aprendendo a convivir e a coñecernos. Durmimos no Albergue dos Salesianos no mesmo pobo de Allariz e visitamos os seus museos. Pasamos un día divertido e soleado na praia fluvial e quedamos encantados coa xente deste pobo. Estamos desexando volver outra vez.

22 may 2014

POETAS POR UN DÍA


Temos moita sorte no Bouza Brey. No noso centro temos moitos futuros poetas agardando unha oportunidade. Todos comezan igual que o de Díaz Castro pero cada alumno púxolle a súa alma.
aquí tendes o libro dixital que os recolle. E tamén o poema orixinal do escritor homenaxeado. Preme no enlace :  OS POETAS DE PRIMARIA

Penélope. X. M. Díaz Castro

Un paso adiante i outro atrás, Galiza,
i a tea dos teus sonos non se move.
A espranza nos teus ollos se esperguiza.
Aran os bois e chove.

Un bruar de navíos moi lonxanos
che estrolla o sono mól coma unha uva.
Pro tí envólveste en sabas de mil anos,
i en sonos volves a escoitar a chuva.

Traguerán os camiños algún día
a xente que levaron. Deus é o mesmo.
Suco vai, suco vén, Xesús María!,
e toda a cousa ha de pagar seu desmo.

Desorballando os prados coma sono,
o Tempo vai de Parga a Pastoriza.
Vaise enterrando, suco a suco, o Outono.
Un paso adiante i outro atrás, Galiza!


DÍAZ CASTRO, José María, Nimbos, Vigo, Editorial Galaxia, 1961.

EVOCACIÓNS SOBRE PENÉLOPE

A poesía evócanos emocións, sentimentos, un lugar, unha persoa, un instante. A poesía está creada para facer sentir ao lector, para conectar con un anaquiño da súa alma.  
Dentro das actividades para este día propúxoselles ós alumnos debuxar ou plasmar de algunha maneira o que lle evocaba o poema "PENÉLOPE". 
A música que soa ao fondo está composta polos alumnos de 1º da ESO coa letra do citado poema.


MÚSICA PARA PENÉLOPE


Moitos dos alumnos de 1º da ESO compuxeron unha melodía moi fermosa para un dos poemas máis coñecidos de Díaz Castro, o famoso "Penélope", no que o autor establece un paralelismo entre Galicia  e Penélope, que tecía no seu tear de día e desfacía a labor pola noite mentres esperaba a chegada de Ulises.


Tiveron a oportunidade de interpretala para todo o colexio nun pequeno homenaxe ao escritor polo día das Letras Galegas. Foi todo un éxito.
Espero que non sexa a última vez que compoñades. 
Noraboa. 

14 may 2014

Letras galegas 2014

Este ano imos celebrar unha vez máis a SEMANA DAS LETRAS GALEGAS. O autor homenaxeado este ano é XOSÉ MARÍA DÍAZ CASTRO,  autor dun único libro de poemas titulado NIMBOS.  Consideramos que o poema máis representativo deste autor é PENÉLOPE porque recrea o mito de Penélope, a muller de Ulises, que simboliza a longa espera de Galicia e o desexo de que cambien as cousas.
Os alumnos do colexio tiveron que aprender este poema e algúns deles  puxéronlle incluso música.

Déixovos a historia do Mito de Penélope  neste vídeo para que todos e todas o coñezades.




Aquí tedes a presentación  que fixo Jorge Martínez (1º ESO) sobre Xosé Mª Díaz Castro e a canción Penélope con letra e música dos alumnos de 1º da ESO.
















   

6 mar 2014





O venres 14 de febreiro, como anticipo do Entroido visitounos no colexio un mozo moi faladeiro que nos deu a coñecer a figura do MERDEIRO vigués. Este personaxe, recuperado da tradición popular do entroido na nosa cidade está sendo recuperada grazas a dúas asociacións que indagaron sobre esta figura. Este personaxe que posúe uns atributos ben definidos como podedes observar nas fotografías adicábase a burlarse da xente, a pegarlle coas súas varas e a insultar aos viandantes que atopa polo seu camiño. Este ano podereses atopalo polas rúas viguesas do casco vello, así que non vos asustedes se o vedes.



Contounos  que este personaxe popular data dos anos 20 e nesta época os mariñeiros vigueses tiñan por costume vestirse de Merdeiros para incordiar á xente restregando ás súas vítimas con restos de peixes apodrecidos. o motivo da existencia desta figura foi a enterna xenreira entre mariñeiros e labregos. O Merdeiro era maleducado e un pouco violento, Corre, brinca e berra polas rúas co ánimo de asustar á xente e golpeala coa súa vara. A súa vestimenta era unha imitación dos escabicheiros, labregos que viñan á cidade para baleirar os pozos negros para abonar as súas terras.


Os nosos alumnos de 1º da Eso asistiron á actividade e puideron disfrazarse de Merdeiros durante unhas horas para visitar aos seus compañeiros e meterse con eles.









BIBLIOTECAS VIVENTES NO VERBUM

BIBLIOTECAS VIVENTES

O xoves día 10 de abril e como anticipo da Semana do Libro os alumnos de Secundaria tiveron unha saída moi interesante e novidosa no noso colexio. Fomos ao Museo Verbum (Casa das Palabras) para realizar unha actividade relacionada cos libros.

Anteriormente tivemos que entrar na páxina web da Biblioteca e seleccionar tres libros, os que máis nos interesaran, para ler unha síntese do seu contido e poder decidir que tipo de preguntas ou cuestións nos plantexaban.

O máis interesante foi chegar alí e atoparse cos personaxes deses libros e pode falar con eles directamente.

DEIXÁMOSVOS UNHAS FOTOGRAFÍAS PARA QUE VEXADES O INTERESANTE E DIVERTIDA QUE ESTIVO A ACTIVIDADE.

Finalmente ao rematar tivemos unha visita especial de dous xogadores do Celta que contestaron ás nosas preguntas moi amablemente e asinaron autógrafos.



 As regueifas con Josiño do Viso que dixo que no Bouza Brey había grandes Regueifeiros

 CATÁLOGO DE LIBROS:
1. Fiel, leal, valerosa e sempre benéfica
2. A lista da compra
3. It never rains in Southern California
4. Ollos de dragón
5. Mallando no android: Diario dun bloggeiro
6. Aventura extrema: Galicia nos cumios do mundo
7. Arremangar as saias e loitar
8. Carta de perdón ás Xeracións Roubadas
9. Caneando cambadelas
10. A nai que me pariu
11. Non dar puntada sen fío
12. Tres estacións nun só día

MÁGOA NON PODER CONVERSAR CON TODOS. PARA O VINDEIRO ANO SE TEMOS SORTE VOLVEREMOS PARTICIPAR NESTA ACTIVIDADE



 

14 feb 2014

DÍA DE SAN VALENTÍN 2014




Un agasallo para todos aqueles que senten bolboretas cando están ó ladiño de alguén especial. Unha canción con letra para que poidades ensaiar e cantar neste día especial.
Memoria da Noite (de Mago de Oz)


                                           
                                                Memoria da Noite (Mago de Oz)